Skeljungs Rally Reykjavik 2011

12.08.2011

Skeljungs Rally Reykjavík 2011

Baráttan um sigur farin að taka sinn toll

Baráttan í Skeljungs Rally Reykjavík 2011 er nú í hámarki en þeir félagar Sigurður Bragi Guðmundsson og Ísak Guðjónsson á MMC Lancer Evo VII leiddu keppnina eftir fyrsta keppnisdag. Keppni hófst í morgun á akstri um Hengil og síðan var haldið austur á Næfurholt. Eftir að 6 leiðir höfðu verið eknar nú í morgun voru áhafnir í 1 og 2 sæti á sömu sekúndu og einungis 11 sekúndur voru í 3ja sætið. Valdimar Jón og Heimir Snær á Subaru Impreza sem að þá voru í öðru sæti féllu úr leik á fyrstu leið eftir hádegi og færðust þeir Hilmar og Davíð Jón á MMC Lancer Evo VII upp í 2 sætið og eru þeir nú 44 sekúndum á eftir Sigurði og Ísak. Í þriðja sæti eftir akstur dagsins eru svo systkinin Marian Sigurðsson og Ásta Sigurðardóttir á MMC Lancer Evo VIII.

Íslandsmeistararnir Jón Bjarni Hrólfsson og Halldór Gunnar Jónsson duttu úr leik í morgun vegna vélarbilunar en það þýðir að áhöfnin sem að nú leiðir Íslandsmótið, þeir Hilmar og Davíð Jón eru í góðri stöðu. “Við hugsum fyrst og fremst um að klára þessa keppni í topp þremur en minna um að vinna rallið “ sagði Hilmar í morgun, “okkur er meira í mun að vinna Íslandsmótið frekar en Rally Reykjavík þó að það sé skemmtilegt líka” Af þessu er ljóst að þeir ætla sér að reyna að komast heilir í mark og skora dýrmæt stig en keppnin er löng og allt getur enn gerst. Yngsti rallý ökumaður Íslands

Yngsti akandi keppandi í sögu íslensks ralls, Baldur Hlöðversson er í 11 sæti keppninnar en hann nýtur stuðnings föður síns Hlöðvers Baldurssonar sem að situr við hlið hans sem aðstoðarökumaður. Baldur varð 17 ára í gær og er hann að stíga sín fyrstu skref sem ökumaður og það í stærstu og erfiðustu rallýkeppni landsins. “Það var svolítið skrýtið að þurfa að venjast því að vera í aðstoðarökumannssætinu” sagði Hlöðver og mátti vel greina hversu stoltur hann var af árangri drengsins hingað til og bætti við “Þetta er samt ekki búið fyrr en það er búið, það er heill dagur eftir á morgun”. Morgundagurinn er einmitt mjög krefjandi þar sem að ekið verður meðal annars um Kaldadal, einhverja lengstu og erfiðustu sérleið landsins.

11.08.2011

Skeljungs Rally Reykjavík 2011 hófst í gær en keppnin er nú haldin í 32 sinn. Eknar voru 4 sérleiðir í kvöld og að þeim loknum eru þeir félagarnir Sigurður Bragi Guðmundsson og Ísak Guðjónsson í forrustu á sínum Mitsubishi Lancer Evo VII en þeir hafa einnar sekúndu''' forskot á þá Valdimar Jón Sveinsson og Heimir Snæ Jónsson á Subaru Impreza. Þriðju koma svo þeir Hilmar B. Þráinsson og Davíð Jón Ríkharðsson en þeir aka einnig Mitsubishi Lancer Evo VII og eru þeir 15 sekúndum á eftir þeim Sigurði og Ísak. Íslandsmeistarnir frá því í fyrra þeir Jón Bjarni Hrólfsson og Halldór Gunnar Jónsson eru í næst síðasta sæti keppninnar en þeir hafa verið að glíma við vélarbilun á öllum leiðum dagsins og hafa tapað miklum tíma. Í góðaksturshluta keppninnar leiða Heimsmeistararnir frá því í fyrra, þeir Durand og Vialar á Toyota Prius með einungis 1 refsistig en fast á hæla þeirra eru þeir Kristján Einar og Haukur Viðar á Volkswagen Passat með 3 stig í refsingu. Jafnir í þriðja sæti eru þeir Thizi og Pavoux á Toyota Prius og þeir Knighton og Partridge Mercedes B-class. Það er því ljóst að baráttan verður ekki síður spennandi í þessum hluta keppninnar. Nú í morgunsárið halda keppendur austur fyrir fjall og aka sérleiðir eins og Dómadal, Tungnaá og Næfurholt en góðaksturhlutinn fer um Hvalfjörð, Leirársveit og enda keppni dagsins um Bláfjöll og Hvaleyrarvatn.

Hér er hlekkur inn á dagskrá keppnanna sérleiðashlutans og hér á góðaksturshlutann >>>>>>>

Neðst er svo hægt að sjá stöðuna þegar hún fer að berast.

Í kvöld má benda fólki á að koma á innanbæjarleið um Gufunes og viðgerðarsvæði á Select, Vesturlandsvegi en þar gefst fólki tækifæri til að bera keppnistækin augum og taka þátt í gleðinni.

Hér að neðan má sjá keppendur í FIA Alternartive Energies Cup undirbúa sig og fylla eldsneyti á vetnisáfyllingarstöðinni við Vesturlandsveg.

a) Aðrar refsingar — Other penalties
b) Snemma/seint refsingar — Early/late penalties

Engar leiðir hafa verið eknar / No stages have been driven